أبو حمد تقيم قداساً وجنازاً عن راحة نفس المرحومة والدتها

نهار الجمعة الواقع فيه ٢٨ آب لعام  ٢٠٢٠ أقامت المحامية د. بهية أبو حمد قداساً وجنازاَ عن راحة نفس المرحومة والدتها التي انتقلت إلى جنة الخلود بعد معاناة طويلة مع المرض وذلك في كنيسة مارشربل بانشبول .

ترأس القداس سيادة المطران أنطوان شربل طربيه راعي الأبرشيّة المارونيّة في أستراليا ونيوزيلاندا وتوابعهما السامي الإحترام، بحضور سيادة المتروبوليت ملاطيوس ملكي ملكي راعي أبرشية أستراليا ونيوزيلندا للسريان الأرثوذكس السامي الإحترام، ونيافة الأنبا دانيال مطران الأقباط الأرثوذكس في سيدني وتوابعها السامي الإحترام، وممثل عن سيادة المطران باسيليوس قدسية راعي أبرشية استراليا ونيوزيلندا والفليبين وتوابعهم للروم الأرثوذكس السامي الإحترام ، الأب المحامي افرام عباسي، ورئيس دير مار شربل الدكتور شربل عبود السامي الإحترام ، والأب ملحم هيكل، ولفيف من الكهنة الأجلاء، ورؤساء جمعيات ثقافية، واجتماعية، وأحزاب سياسية، وأفراد من المجتمع الأسترالي والجاليات الإثنية.

كانت لسيادة المطران طربيه كلمة مؤثرة عن المرحومة التي  بذلت نفسها في خدمة الكنيسة وأولادها الستة وأفراد العائلة وأي شخص بحاجة إلى مساعدة وكانت دوماً مثالاً للأم الصالحة  والمؤمنة. 

وقرأ البروفيسور عبيد كلمة مؤثرة لسعادة السفير جورج البيطار غانم سفير لبنان لدى ماليزيا الذي اشاد بمزايا الراحلة وتفانيها لخدمة الكنيسة والعائلة ، كما وألقى كلمته الصادقة والنابعة من القلب يتحدث فيها عن الراحلة والأم الحنونة . 

وأشاد الشاعر الدكتور مروان كساب بدمعة رثاء أثارت إعجاب الحضور واصفا بطريقة شعرية رائعة اللقاء الحميم بين الجدة والحفيدة فانيسا التي توفاها الله باكرا ولم تجف دموع الحزن على فراقها لغاية يومنا هذا. سينقل الشعر إلى موقع اليوتيوب . 

وأشاد الشعراء الأجلاء بدموع الرثاء كما يلي:

دمعة رثاء من الشاعر النقيب جورج ابو انطون

يا مؤمني الربِّت على الإخلاص جيل

‎عمرك قصير وعمر تاريخك طويل

‎كلما انذكَر طهر القلوب الاتقيا

‎الإيمان رح يشهد عَ مبداكي الأصيل

‎وكلما انذكر صدق البيوت الاوفيا

‎الأخلاق عن صدقِك رح بتعطي دليل

‎بيقول تاريخ الرسل والانبيا

‎الإم اللـي عطيتنا بهيّة بو حمد

‎شو ما انحكى عنها رح بيبقى قليل

********

دمعة رثاء من الشاعر شربل بعيني

يا "نايفه".. لمْ أشكُ من أحزاني

لكنّ حزناً واحداً أبكاني

ما كنتُ أدري أن موتَك موجعٌ

لو ما "البهيةُ" حزنُها أضناني

موت الأمومةِ نارُه لم تنطفءْ

والدمعُ أفنى مهجةَ الأبدانِ

شمسُ "البنيّةِ" يا إلهي أظلمتْ

قولي ليصغي خالقُ الأكوانِ:

إني الحنونةُ لن أجافي إبنتي

إنّي الأمومةُ أبعدوا أكفاني

********  

دمعة رثاء من الشاعر جورج منصور

يا بهية الأم انت بتعرفي

عمرها خزنة حنان وعاطفي

لو بتنطفي الشمس العا روس جبالها

ما بقول شمس الأم بدها تنطفي

الأم ايد الغامرة اجيالها

بتشد ع اجيالها وما بتكتفي

الأم لو صوت الازل غنالها

من حقها بيكون درهم ما وفي

بيلبقلها هالأم تقشع حالها

بطلعت بهية بالعلم والمعرفي

وعنك قفي لما قالولي خيالها

تذكرت ايامي ومآسي هالحياة

وحسيت امي خيالها عني قفي

********

دمعة رثاء من الشاعر د. الياس خليل

إلإم الحنونه منوره بإشعاعها

بغمر فرحنا بقهرها وأوجاعها

وما زال فيه بقلبها تساع الدني

محتار كيف المقبره بتساعها

********

دمعة رثاء من الشاعر شربل كاملة 

يا ست بهيّا ، حزنِك اليوم ارتمى

عا "إم" تركتنا وتركت هالحمى

الله يصبّركن عا المصاب الكبير

خسارة كبيرة ، هالخسارة بتنسما

الام نبع العاطفة وبحر الضمير

عا غيابها بدل البكي منبكي دِما

كانت حنونة إمّك عليكن كتير

انشالله الحنونة تكون نفسا بالسما

******** 

دمعة رثاء من الشاعر عصام ملكي 

أمك بهيه.. قلوبنا إلها

أللـه عا ذوق الناس عاملها

مين الما بدو يزعل على الأم

الجيتي عظيمه عا الدني منها

الموت الطبيعي بينشمر زندو

منو لحالو بينقطع بندو

هالمتل أمك عند ألله قلال

هوّي دعاها تا تجي لعندو

بعدو الدمع عا خدود بهيه

وكل دمعه بتطلع وقيّه

بتقول كيف على السما راحت

ما زال هيي بعدها فيي

بعزّي بهيّه بدمع يا إخوان

متل أختي بعدها من زمان

بقدّم تعازي القلب للعيله

ولكل سيدني وللوطن لبنان

******** 

دمعة رثاء من الشاعر يوسف جبرين 

يا ست بهيّه وقت ما بيقرب اجل

انسان منّو ما بيشعر بالخجل

امّك لجنّة ربنا عزَّ وجلّ

بالرّوح طلعت والامر مش مرتجل

صار الوفى بالغرب مع بنت الاصول

ياخد بخاطر كلّ شعّار الزجل

يا كفّ رابي عالسّخى وما قال هات

بداعي الوفى منطلّ نعمل واجبات

ونبكي معك عا ام فخر الامّهات

وقلب الحنونه لو سكت ما نقول مات

بحيث البتغني الارض من فلذاتها

بتضلّ لو بتموت عا قيد الحياة

******** 

دمعة رثاء من الشاعر انطوان عكاري

يا واقفه بيحزن كل الناس

مع كلّ شخص معذّب وموجوع

عم تشربي بهاليوم ذات الكاس

وقلبك عا فقد الوالده مفجوع

منسكبلك من القلب والإحساس

بلسم تعازينا شعر ودموع

انشاللَّه عا نفسا بيوقفو حرّاس

الملايكه بجيرة القديسين

بحضن السّما مع "مريم ويسوع"

********        

دمعة رثاء من الشاعر نبيل مخايل

يا ست بهيه بكلمتك بكيو العيون

بقدًم تعازي صادقه مني سلف

رحمة الهي تصب عالقلب الحنون

نعم الأمومة الصالحة ونعم الخلف

******** 

دمعة رثاء من الشاعر لطيف مخايل

يا بهية هيك خالقنا قَضَى

‎ مفروض نقبل حكم الله عن رضى

‎مرّه بيامر ربّنا نطّم الدهب

‎ومرّه بيقضي تنطفي نجوم الفضا

‎هجرتي وطنّا وقلبِك بهجرو التهب

‎وداء الكورونا عَ حلمْ شعبي قضَى

‎ما حضرتي الدفن والواجب وَجَب

‎داوي على مهلِك جروح مرضرضه

‎افضل الِك ما ترتمي فوق الخشب

‎ولا تقشعي عيون الجميله مغمضّه

******** 

دمعة رثاء من الشاعر انطوان سعادة

مين ما انوجد عالارض بالعمر الغني

بيخلص زمانو والحياة بتنحني

وام هديتنا بهيه وطيبها

بتبقى بهيه كل ما الدنيي دني

فليكن ذكرها مؤبداً.

********

دمعة رثاء من البروفسور اميل شدياق

ظَــــــــلامٌ قَـــــــــــــدْ أَحَــاطَ فـــــــي الأَنَـــــامِ

دُمُــوعُ الحُــزْنِ ذَابَـتْ فـي الكَـلامِ

حَليــــــمٌ مَــــــعْ فِنيسَّــــــــا قَــــــــدْ تَـوَلَّـــــــى

لِقَـــــــــــاءً بَاسِـــــــــــــمـاً بَعْــــــــــــــدَ الغَمَــــــــــــــامِ

غَــــــــــدَتْ أُمٌّ ضِيَــــــــــاءً فــــــــي حَنَـــــــانٍ

تُنيــــــرُ الـــــــدَّرْبَ فــــــي دَارِ الظَّــــــــلامِ

تَـرَكْــــتِ الأَرْضَ مَـنْ فيهَـــا تَعَالَــــى

بَنَيْـــتِ فـــــي العُلَـــــــى دَارَ السَّـــــــلامِ

فَمَثْـــــــــــــــوَاكِ لِقَــــــــــــــــــــــــــاءٌ وَانْتِصَــــــــــــــــارٌ

رَجَـــــــــــــاءٌ وَابْتِهَـــــــــــاجٌ فـــــــــي الــــــــــدَّوَامِ

********

دمعة الشاعر ميلاد ساسين

كل الوجع بالقلب خليتو

والدمع متل النهر مشيتو 

تا اوصل وشوفك بي اهنا بيت

وبوس اول وج حبيتو 

ورجعت ع عكازة الياريت 

وقشعت قنديلك نشف زيتو

وبغربتي حالي رجعت عزيت

ماكد اشتقتلك والدي المحبوب

قصدتي السما تا تزيني بيتو

ولمين بدّي اشتكي همي

والاخ من قلبي على تمي 

غيابك يا امي من الطبيعة فرض

ودموع عيني ملوني بدمي

لو كان في من حياتي عرض 

قدملك وشمك بعد شمي

نيال من بعدو عا وج الارض 

وبالبيت عندو  ام يا امي. 

         *****