قصيدة شربل بعيني في حفل تكريم السانتور شوكت مسلماني


 قصيدة شربل بعيني في حفل تكريم السانتور شوكت مسلماني من قبل جمعية بنت جبيل الخيرية بمناسبة رجوعه الى برلمان ولاية نيو ساوث ويلز متغلباً على جميع أعدائه. في الصورة يظهر السانتور شوكت مسلماني يحيط به شربل بعيني، ايلي ناصيف وايلي كلتوم:

ـ1ـ

تا فشّ خلقي جيت يا إخوان     

والشعر متلي مكهرب وزعلان

من كم شهر تطاولوا الحسّاد   

ع السانتور المخلص الإنسان

"البقّ والبرغش" جمعهن إتحاد   

تا يحاربوا اللي شرّف الهجران

طلعوا بفشلهن بالسياسه ولاد   

ونسيوا "نسر كَوْنين" من لبنان

بيعلا تا يكسر رقبة الصياد    

بيحمل سلام وحب للأكوان

والبرلمان الكان أيقونة بلاد   

تشّوه وقت ما غاب عنّو النسر

وبرجعتو.. فرحت حجار البرلمان

ـ2ـ

مهما انحكى بيضل إسمك منعرَف   

إنتْ شوكت إنتْ.. مش إبن الصّدف

قلال اللي متلك هون يا إبن الجنوب   

عم يبتدي وما بينتهي فيك الشرف

غاروا لأنك شمس ما بتعرف غروب    

قصر السياسه بنيت.. كتّرت الغرف

شوف الأعادي مطيشره فوق الدروب   

محيتُن.. قبل ما يوصلوا لساعة ترف

بدنا القانون يحاسب بإسم الشعوب    

هللي عليك تطاولوا جرحوا القلوب

ع هيك إعدى بقول: ممنوع الأسف

ـ3ـ

إنت المحبّه.. وحبّك زياده    

وحقّ النبي.. ويسوعنا الفادي

يا مسلماني القلب عم بيدق     

من فرحتو.. وما غيّر العاده

عودّتنا نفرح بكلمة حقّ      

السرقوا حقوق الناس بتعادي

عندك بشر ما بيتعبوا من النقّ      

تسلم يا بلبل غربتي الشادي

لعبوا وما عرفوا كيف خسروا الدق   

والظلم كل الظلم ع البادي

المارد صعب يركع بعقصة بق     

المارد جبل ما بتحضنو وادي

ما بخاف لولا الأرض رح تنشق   

بقول الحقيقه وبعترف إنّك

شرّفت سيدني.. وأرزة بلادي

CONVERSATION

0 comments:

إرسال تعليق