شربل بعيني مع عصام حداد
جابوا بسيدني للحروف ولاد
وبقول انو بدون خود وهات
هللي استحقو الجايزه خواجات
وعا كل منبر عندنا أسياد
ـ2ـ
سركيس كرم عا قلوبنا بيمون
كونو لحن عا العود والقانون
كلّو وعي وإخلاص ومروّه
المش سامع بسركيس كرم.. هوّي
أطرش وأعمى وما حدا بيكون
ـ3ـ
"والياسري" ما في حدا قدّو
يفوت على قلب قلوبنا بدو
كلو محبه وعاطفه واحساس
وهللي عا شكلو بقولها للناس
صارو على الصابيع ينعدّو
ـ4ـ
وبالنحت نايف دون كان ومان
عالي بشرعي وانعرف علوان
عندو بسكوت النحت عم يحكي
وما في حدا من مواقفو بيشكي
من زمان عنّو منسمع من زمان
ـ5ـ
ونجمه حبيب من السما هيي
بتضوي بلا تربيح منيّه
درب البتمشي فوقها بتنباس
وبالفهم والاحساس ملها قياس
علاماتها ميّه على ميّه
ـ6ـ
ومن جهّة الاخلاص والخوّه
البري ما فينا نحسبو جوّي
العميان فيهم يقشعو الحبوب
وحضرة لطيف الشاعر الموهوب
صهر لمجدليا وأبو مروّه
ـ7ـ
وبروفسور عبيد مرجع صار
عا كل موقف بالدني بيغار
عن جد وحياة السما عن جد
بالفعل هوي ربها بينعد
عنو بسيدني طالعه الاخبار
ـ8ـ
والأب جبرائيل مين قدو
غير الصلا والصوم ما بدو
كتار البيقولو مين متلو مين
قولو أبانا والذي وآمين
درب السما بتكون عن يدو
ـ9ـ
وبروفسور عبيد مرجع صار
عا كل موقف بالدني بيغار
عن جد وحياة السما عن جد
بالفعل هوي ربها بينعد
عنو بسيدني طالعه الاخبار
ـ8ـ
والأب جبرائيل مين قدو
غير الصلا والصوم ما بدو
كتار البيقولو مين متلو مين
قولو أبانا والذي وآمين
درب السما بتكون عن يدو
ـ9ـ
من دون كاني ومن عدا ماني
الإخدو الجوائز ما لهم تاني
شوكت لأنو من جبل لبنان
أرزه بسيدني بينسمى من زمان
وهللي ما عندو بالذكا ايمان
منطعمو بشوكت مسلماني
**
0 comments:
إرسال تعليق