بحضور العديد من الشخصيات الاسترالية واللبنانية والعربية، احتفل مجلس الجالية اللبنانية بقدوم عيد الميلاد المجيد لعام 2017، فاحتلت قضية "القدس" منصة المتكلمين، نظراً لما لقرار الرئيس الاميركي ترامب من أثر مؤلم على قلب كل شريف في العالم.
قدم الحفل السيد الياس طنوس، فرحب بالجميع باللغتين الانكليزية والعربية، تبعه رئيس المجلس ونائب رئيس بلدية ليفربول السيد علي كرنيب بكلمة مفعمة بالمحبة، ثم تكلم السانتور الاسترالي اللبناني شوكت مسلماني فجال كعادته مدافعاً عن حق الشعوب المظلومة، بعده ألقى الدكتور قاسم مصطفى كلمة مؤثرة تركت انطباعاً رائعاً عند الحضور. أخيراً ألقى الشاعر شربل بعيني قصيدة من وحي الميلاد والقدس. وفي الختام دعي الجميع الى وليمة العشاء. وكل عيد والجالية ومجلسها بألف خير.
واليكم قصيدة شربل بعيني: عيد الميلاد 10 كانزن الاول 2017
ـ1ـ
بعشره كانون.. العيد عيّدنا
سبقنا الدني.. هيدي عوايدنا
المجلس إذا بيقول صار العيد
بتزيّن الفرحه موائدنا
يسوع بدّو يخلق من جديد
ويقضي على طاغوت شردنا
عيسى المسيح بقولها وبزيد
إسمو بمساجدنا ومعابدنا
ومن دون لا هيصه.. ولا تمجيد
أهلا ميلادك دوم.. سيدنا
ـ2ـ
يا علي كرنيب بدّي قول
بأعمالكن عم تندوخ العقول
بتوحدوا الإنسان بالأعمال
بتوب المحبه الـ بالتقى مغزول
قلال هللي وحدونا قلال
وكتار هللي شرّدونا سْيول
بيتاجر بحق الشعب محتال
عم يلحق الفستان والمريول
مين سلّم المفتاح للدجّال
تا يبيع "قدس" مقدّسه للغول
وسَّخ العيد.. وحطّم الآمال
وخلا السلام يضيع هالمسطول
يا ترامب مهما تزوّر الأحوال
فلسطين إلنا.. بقلبنا ع طول
ـ3ـ
يا مجلس البالجاليه رسمال
إسمك علم جوا القلب محمول
رح قول كلمه حبستها بالبال
المعنى اللي فيها بالصدق مجبول
لا يشوهوا الميلاد بالأموال
ولا بالهدايا وكترة المعمول
الميلاد حب بيجمع الأطفال
الميلاد ضحكه ريقها معسول
الميلاد إنتو.. فخر للأجيال
الميلاد هالسهره اللي جمعتنا
هيدي الحقيقه بدون دق طبول
واليكم قصيدة شربل بعيني: عيد الميلاد 10 كانزن الاول 2017
ـ1ـ
بعشره كانون.. العيد عيّدنا
سبقنا الدني.. هيدي عوايدنا
المجلس إذا بيقول صار العيد
بتزيّن الفرحه موائدنا
يسوع بدّو يخلق من جديد
ويقضي على طاغوت شردنا
عيسى المسيح بقولها وبزيد
إسمو بمساجدنا ومعابدنا
ومن دون لا هيصه.. ولا تمجيد
أهلا ميلادك دوم.. سيدنا
ـ2ـ
يا علي كرنيب بدّي قول
بأعمالكن عم تندوخ العقول
بتوحدوا الإنسان بالأعمال
بتوب المحبه الـ بالتقى مغزول
قلال هللي وحدونا قلال
وكتار هللي شرّدونا سْيول
بيتاجر بحق الشعب محتال
عم يلحق الفستان والمريول
مين سلّم المفتاح للدجّال
تا يبيع "قدس" مقدّسه للغول
وسَّخ العيد.. وحطّم الآمال
وخلا السلام يضيع هالمسطول
يا ترامب مهما تزوّر الأحوال
فلسطين إلنا.. بقلبنا ع طول
ـ3ـ
يا مجلس البالجاليه رسمال
إسمك علم جوا القلب محمول
رح قول كلمه حبستها بالبال
المعنى اللي فيها بالصدق مجبول
لا يشوهوا الميلاد بالأموال
ولا بالهدايا وكترة المعمول
الميلاد حب بيجمع الأطفال
الميلاد ضحكه ريقها معسول
الميلاد إنتو.. فخر للأجيال
الميلاد هالسهره اللي جمعتنا
هيدي الحقيقه بدون دق طبول
0 comments:
إرسال تعليق